دولتی کسلخانهلر تامانیدن بولهدیگن ساغلیک خذمتلری بدلیده پول بیریلیشی خصوصیده، مرکزی حکومت تامانیدن آلینگن قرار غور یشاوچیلرینینگ ناراضیلیگی گه روپهره بولگن.
غور ولایتینینگ یشاوچیلرینی ایتیشیچه، دولتی کسلخانهلرگه مراجعت قیلگنلریده پول توللهیدیلر، بیراق کسللرگه یخشی بیر شکلده قرهلمهیدی.
مذکور ولایت اهالیسی حکومتدن دولتی کسلخانهلرده ساغلیقنی سقلش خذمتلری پولسیز بولیشینی طلب قیلگنلر.
غور اهالیسیدن حسامالدین و خیرگلنینگ سلاموطندارگه ایتیشیچه، حاضر هم نیاز بولگن برچه دارولرینی شخصی داروخانهلردن ساتیب آلهدیلر.
بیراق، غور ولایتی کسلخانهسینی آمری میراجان احمدی، فیروزکوه شهرینینگ اهالیسی تامانیدن بولگن ادعالرنی رد قیلیب ایتیشیچه، اولر قیلگن خذمتلری بدلی پول آلهدی.
باشقه تاماندن، غور ولایتیده ساغلیقنی سقلش ریاست باشلیغی جمعهگل یعقوبی، اوشبو ولایت یشاوچیلرینینگ کمبغللیگینی تَن آلهدی، بیراق ایتیشیچه، پول توللش کابینه قراری اساسیده بولگن و بو ایش ساغلیک خذمتلری یخشیلنیشی گه سبب بولهدی.
غور ولایتینینگ ساغلیقنی سقلش ریاستی باشلیغی گه کوره، دولتی کسلخانهلر ساغلیک خذمتلریدن یالغیز 10% کمبغل، یرهلنگنلردن بیرقطاری، بویلیک عیاللر و مهاجرلرگه پولسیز ارایه قیلهدی.
غور اهالیسی ایسه مرکزی و محلی مسؤوللردن دولتی کسلخانهلرنینگ خذمتلری پولسیز بولیشی یا-ده اولردن آلینهدیگن پول بدلیده یخشی خذمت قیلینیشینی طلب قیلگنلر.
