غور ولایتی نینگ مدنی فعاللری و ولایتی کینگش اعضالریدن بیرقطاری، مذکور ولایتده 5 میگاواتلیک قویاش انرژیسینینگ قوریلیش جریانی تیزلیککه ایلگری کیتمهگنیدن تنقید قیلیشگن.
اولرنینگ ایتیشیچه، مذکور ولایت مرکزی فیروزکوه شهری نینگ شرقی ده اوشبو لایحهنی ایشی 3 آی آلدین باشلنگن، بیراق حاضرگچه دییرلی بیر ایش قیلینمهگن.
اولرنینگ آگاهلنتیریشیچه، بو لایحه قوریلیشی گه جدی شکلده دقت قیلینمهگن صورتده، تیزلیککه ایشی توختهتیلیب و پوزلیچ برق توغانی نینگ تقدیری گه دوچار بولیشی ممکن.
شونینگدیک، غور ولایت کینگشی اعضاسی عبدالحمید ناطقی، مذکور ولایتده 5 میگاواتلیک قویاش انرژیسی نینگ قوریلیش جریانی سُستلیگیدن خواطر بیلدیرگن.
اونینگ ایتیشیچه، اوشبو لایحه ایشی بیر ییل جریانیده یکونلهنیب و فایدهلنیش گه تاپشیریلیشی خصوصیده قرار قیلینگن ایکن، بیراق بو ولایتده ایش موسومی آز بولگنی باعث، شرطنامه باغلهگن شرکت، ایشینی اساسی شکلده باشلمهگن.
شونینگدیک، بو گزارشده شرطنامه باغلهگن شرکت مسؤوللری نینگ فکرینی اورگهنیش اوچون سعی و حرکت قیلدیک، بیراق تکراری قونغیراق نتیجهسیده مؤفق بولمهدیک.
بیراق، غور حاکمی سوزلاوچیسی عبدالحی خطیبی نینگ ایتیشیچه، بو ولایتده 5 میگاواتلیک قویاش انرژیسی نینگ قوریلیش ایشی جمهور رئیس نینگ بویروغی اساسیده، جدی شکلده دوام ایتماقده و حاضرگچه ایش سُستلیگی توغریسیده هیچ بیر شکایت قولگه کیریتمهگنلر.
غور ولایتی نینگ مدنی فعاللری و ولایتی کینگش اعضالری، مذکور ولایتده 5 میگاواتلیک قویاش انرژیسی نینگ قوریلیش ایشی سُستلیگی دن تنقید قیلگن بیرچاغده، اوشبو ولایتدهگی پوزلیچ برق توغانی نینگ ایشی هم تورت ییلدن بویان حقوقی قیینچیلیک باعث توختهتیلگن.
