جوزجان ولایتیده داعش گروهینینگ رهبر و جنگرینینگ دولتگه قوشیلگنی دن سونگ، اولرنینگ جنسی زورهوانلیک و جنایتلری خصوصیده قطار گزارش ترقهلگن.
عبدالله مستعار اسم، اونینگ ایتیشیچه، داعش گروهی قومندانلریدن بیری زوردن اونی اوز تورمیشی گه آلگن و نیچه مرته جنسی زورلهگن. 14 یاشیده بولگن عبداللهنینگ ایتیشیچه، داعش گروهی جوزجان ولایتینینگ درزاب تومنی و باشقه ولایتلردن کمیده 50 بالهنی توپلهب قومندانلری نکاحیگه بیرگن ایدی.
درزاب یشاوچیلریدن ایکی تهسی اوغلشاه و عبدالواحدنینگ ایتیشیچه، اوشبو گروه جنگرهلری کوپینچه قیزلر و بچهلر گه قرشی جنسی زورلهگن. اولر دولت دن داعش گروهینینگ رهبرلری و جنگرهلری نی محکمه قیلیشینی سورهیدیلر.
جوزجان پولیس قومندانلیگینینگ خوفسیزلیک آمری عبدالحفیظ خاشینینگ سلاموطندارگه ایتیشیچه، داعش گروهی درزاب و قوشتپه تومنیلرینینگ یشاوچیلریگه قرشی هیچقندی جنایت دن قول تارتمهگن.
بیراق داعش گروهینینگ رهبری مولوی حبیبالرحمان، جوزجان ولایتی درزاب یشاوچیلرینینگ ادعاسی نی رد قیلیب و دولت دن اولرگه قرشی توطیهلرگه توسیق بولیشی نی سورهگن.
