.jpg)
پکتیا کوپینچه بولیم‌لریده باله‌لر اینیقسه قیزلر مکتب باریش دن محروم قالگن ولایت‌لردن بیری دیر و اوزاق قسمت‌لریده کوپینچه عایله‌لر باله‌لرینی مکتب باریش گه رخصت بیرمه‌یدی.
بیراق، پکتیا معارف ریاستی مسؤوللری نینگ ایتیشیچه، ینگی‌لیک‌که اوشبو ولایت اهالیسی نینگ معارف بولیمی گه یاردم بیریشی کوپه‌یگن و عایله‌لر باله‌لرینی مکتب یوباریش گه علاقه کورستماقده‌لر.
پکتیا ولایتی بوییچه معارف ریاستی باشلیغی کوچی زازی نینگ ایتیشیچه، اوشبو ولایت اهالیسی مکتب قوریلیشی اوچون 54 جریب شخصی ییر اجره‌تیشگن و شونینگدیک، 32 میلیون افغانی مذکور ریاست گه مالی یاردم بیریشگن.
اونینگ ایتیشیچه، حاضر پکتیا بوییچه 60 مکتب نی قوریلیش ایشی دوام ایتماقده، شهر قوریش وزیرلیگی هم بو ییل 26 مکتب نینگ قوریلیش ایشی نی باشله‌یدی و شونینگدیک، قیشلاقلرنی کینگه‌یتیریش و رواجلنتیریش وزیرلیگی تامانیدن باشقه 100 مکتب نینگ تمل تاشی قوییله‌دی.
.jpg)
جناب زازی نینگ کوپه‌یتیریشیچه، اوشبو ولایت نینگ زرمت و زازی‌آریوب تومنلریده هم اهالی و سوداگرلرنینگ همکارلیگی بیلن قیزلرگه خاص ایکی مکتب و اوغیل باله‌لرگه خاص بیر مکتب نینگ قوریلیش ایشی دوام ایتماقده.
عین حالده، پکتیا ولایتی بوییچه معارف ریاستی مسؤوللری نینگ ایتیشیچه، مذکور ولایت نینگ زرمت تومنیده طالبان گروهی قیزلرگه خاص مکتب نی باغله‌گن و باشقه 6 تومنده قیزلرگه خاص مکتب‌لر بناسیز دیر.
بوندن آلدین هم پکتیا اهالیسی مکتب قوریلیشی اوچون 72 جریب شخصی ییر اجره‌تیشگن ایدی.
ایتیش کیره‌ک کیم، پکتیا ولایتی بوییچه 405 مکتب فعال دیر و بو مکتب‌لرده 190 مینگ اوغیل اوقووچی و 73 مینگ قیز اوقووچی درس اوقیدیلر.
شو توغریده…
هلمند یشاوچی‌لری 775 جریب ییرنی معارف اختیاریگه قویگن
