پکتیا محلی رسمیلری مذکور ولایت‌ده اوغیرلنگن 45 یوللاوچی قوییب یوباریلگنیدن خبر بیرگن‌لر.
مذکور یوللاوچیلر اوتکن کون اوشبو ولایت نینگ بدم منطقه سیده طالبلر طرفیدن اوغیرلنگن ایدیلر.
ایتیلیشیچه، حاضرگه قدر هم مذکور یوللاوچیلردن 4 ته‌سی قوییب یوباریلمه‌گن.
پکتیا والیسی اورین باسری عبدالولی سهی نینگ سلام وطندار بیلن تلیفونی سوزله‌شیب ایتیشیچه، مذکور یوللاوچیلر اوغیرلنگندن کیین امنیتی کوچلر قوتقریش عملیات‌نی اوشبو ولایت کوسین منطقه‌سیده یولگه قویگنلر. نتیجه ده اوغیرلنگن 45 یوللاوچی جنگری طالبلر قولیدن آزاد ایتیلگن.
جناب سهی‌گه کوره، قالگن یوللاوچیلرنی قوییب یوباریلیشی توغری‌سیده سعی و حرکت‌لر دوام ایتماقده.
شونینگدیک طالبلر سوزلاووچیسی ذبیح الله مجاهد نینگ ایتیشیچه، حکومت‌ده وظیفه‌سی بولمهگن یوللاوچیلرنی برچه‌سی قوییب یوباریلگن.
طالبلر اوتکن کون کمیده 49 یوللاوچی‌نی ساعت 6 و 10 اطرافیده پکتیا ولایتی سیدکرم تومنی‌دن اوغیرلگن ایدی.
طالبلر سوزلاوچسی اوشه کون سلام وطندار بیلن تلیفونی سوزله‌شیب، مذکور خبر مسؤولیتی نی اوز بوینیگه آلیب، تینچ اهالی و حکومت ملازمی بولمهگن کیشی لر قوییب یوباریلیشی نی ایتگن ایدی.
طالبلر شونینگدیک ایکی آلدین 31 یوللاوچی نی کابل – قندهار عمومی قتناو یولیدن اوغیرله گن ایدی.
مذکور اوغیرلنگن یولاوچیلردن 19 کیشی سی حکومت نینگ آلیب بارگن جدی سعی و حرکت لری نتیجه سیده توتقوندن آزاد ایتیلدی.
