د پکتیکا په برمل ولسوالۍ کې د پاکستاني ځواکونو په لاس جوړ شوي تاسیسات د ډیورنډ کرښې دواړو غاړو اوسیدونکو په ګډه نړولي او په مرکز ښرنه کې د متحد بنسټ مشر رحيم خان خوشال سلام وطندار ته وويل، چې په ياده سيمه کې د ډیورنډ کرښې له دواړو غاړو شاوخوا نهه زره کسان راغلي او دغه تاسيسات یې ځکه ړنګ کړل؛ چې قومونه یې سره بیل کړي وو.
د برمل ولسوالۍ قومي مشر قدرت الله وزيري سلام وطندار ته وويل، هېڅکله به پاکستان ته اجازه ورنه کړي، چې د ډیورنډ کرښې رسمې کېدو له پاره کرښې ته څېرمه تاسیسات جوړ کړي.
وزيري زیاته کړه، د ډيورنډ کرښې دواړو غاړو ته مېشت قومونه باوري دي، چې پاکستان حق نه لري، د افغانستان په خاوره کې تاسیسات جوړکړي.
د پکتيکا چارواکي وايي، چې دا د ولسونو کار دی او په دې اړه يې له څه ویلو ډډه وکړه.
دا په داسې حال کې ده، چې د پاکستان حکو د ډېورڼد صفري کرښې په غاړه کې یو شمېر نظامي تاسیسات جوړي وو او په دې سره افغاناو سخت غبرګون ښودلی و.
