.jpg)
د ترکیې د پوهنې وزارت معین رهادنه مچ وايي، د افغان ـ ترک ښوونځیو لېږدول د افغانستان او ترکیې ترمنځ اړیکې پیاوړي کوي.
هغه زیاته کړه، د افغان ـ ترک ټولو ښوونځیو کې به نوښتونه راشي او دغو ښوونځیو کې به تر ټولو غوره ترکي ښوونکي افغان زدهکوونکیو ته تدریس وکړي.
لهدې سره د افغانستان د پوهنې سرپرست وزیر میرویس بلخي وايي، د افغانستان او ترکیې پوهنې وزارتونو ترمنځ د هوکړې پر اساس به تر راتلونکیو څوو کلونو پورې هېواد کې د افغان ـ ترک ښوونځیو شمېر چې دامهال ۱۲ دی، د افغانستان په کچه ۲۸ ته لوړ کړي.
.jpg)
د ده په خبره، اوسمهال په افغانستان کې ۳زره زدهکوونکي په افغان ـ ترک ښوونځيو کې زدهکړو باندې بوخت دي او په څوو راتلونکیو کلونو کې به ۱۸زرو ته ورسېږي.
ده دا هم وویل چې ټاکل شوې د افغان ـ ترک ټول ښوونځي په ښو تجهیزاتو سمبال شي او ۲۰ سلنه زدهکوونکي به یې په وړیا ډول زدهکړې وکړای شي.
اوسمهال افغان ـ ترک ښوونځي د افغانستان په کابل، ننګرهار، بلخ، هرات، کندهار او جوزجان ولایتونو کې فعالیت لري.
ورته مطالب:
