.jpg)
غور ولایتیدن بولگن «مستعار» آتلی نوراحمد، ایش و بیر لقمه نان تاپیش اوچون ایران گه مهاجر بولگن. ایش‌سیزلیک و کم‌بغل‌لیک باعث، تقدیرینی قاچاقچی‌لرگه تاپشیرگن و کیله‌جگی بیللی بولمه‌گن یولگه توشگن.
نوراحمد بو سفرنی اچیقلیگی‌دن خبرسیز اویدن چیقیب ایران تامان یول آلگن و یورک توله آرزو و نیت بیلن انسان قاچاقچی‌لریگه همراه بولگن.
قاچاقچی‌لر ایسه نوراحمدگه ایران ده تینچ و یخشی بیر حیات وعده‌سینی بیرگن‌لر. اونینگ ایتیشیچه، او و باشقه مهاجر همراهلری، نیمروز چیگره‌سی و پاکستاندن اوتگنیدن سونگ، قاچاقچی‌لر 25 ته‌سینی 10 کیشی جای بوله‌دیگن بیر موترده جایلشتیرگن. نتیجه‌ده نوراحمدنینگ همراهلریدن بیرقطاری، یولده اولیب و باشقه بیرقطاری، قتیق کسل بولگن‌لر.
بیراق، برچه نرسه بو ییرده یکونلنمه‌یدی. نوراحمدنینگ شوربخت‌لیگی ینگی‌لیک‌دن باشلنگن. او، کوپ کونلرنی آچ و سووسیز اوتکزگن و پیاده تاغلر و دشت‌لرنی کیزیب اوتگنیدن سونگ، یول اورته‌سیده ایران‌نینگ چیگره پولیس‌لری تامانیدن آولنگن.
نوراحمدنینگ ایتیشیچه، پول‌سیز بولگنی باعث، ایرانی‌لیک پولیس‌لر تامانیدن قتیق کلتک‌لنگن و اوندن کیین، تشناب‌لرنی تازه‌لش‌گه مجبورلنگن. اونگه کوره، ایرانی‌لیک پولیس‌لر پول‌سیز کیشی‌لرنی برققه بیریب و تشناب‌لرنی یوویش‌گه زورله‌یدیلر.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتی‌‌نینگ مهاجرلر قاچاقی و انسان قاچاقی‌گه قرشی کوره‌ش یوکسک کمیسیونی تامانیدن تیارلنیب و تصدیق‌لنگن. اوشبو ملی میکانیسم دن مقصد مهاجرلر قاچاقی و انسان قاچاقی قربانلریدن حمایت قیلیش و شونینگدیک، قربانلردن حمایت قیلیش اوچون دولتی و غیردولتی اداره‌لر آره‌سیده اویغونلیک ایجاد قیلیش دیر.
.jpg)
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)نینگ 8- ماده‌سی، 5- بندی و 1- فقره‌سی اساسیده، خصوصی و دولتی میدیالر نوراحمدکبی انسان قاچاقی و مهاجرلر قاچاقی‌نینگ نتیجه‌لری و خطرلری توغریسیده معلومات بیریش‌لری کیره‌ک. اوشبو فقره ده بونده‌ی دییلگن: «مدنیت و معلومات وزیرلیگی» انسان قاچاقی و مهاجرلر قاچاقی جنایت‌لرینی تأثیرلری، عامل‌لری و سبب‌لرینی تلویزیون و رادیویی برنامه‌لر آرقه‌لی نشر قیلیب و کورسه‌تیش اوچون خصوصی میدیالرنینگ یاردملرینی جلب قیلیب و میدیالر آرقه‌لی بویروغلر و حکم‌لر صادر ایتیب بو توغریده مسؤول اداره‌لرگه یاردم بیریشی کیره‌ک.
نوراحمد کبی یوزلرچه یاش ایریم دلیل‌لر جمله‌دن ایش‌سیزلیک، کم‌بغل‌لیک‌دن زورلنیب برچه جانی و مالی خطرلر، رنج و محنت‌لر، کم‌سیتیش و اهانت‌لرنی قبول قیلیب بیر لقمه نان تاپیش اوچون اوی و جایلرینی ترک قیله‌دیلر. بیراق، اولردن کوپینچه‌سی مقصدگه ایریشمه‌یدیلر و یول اورته‌سیده یا اوله‌دی و یا-ده چیگره‌دن سورگون ایتیله‌دیلر.
غور ولایتی‌نینگ مهاجرلر و باش‌پناه ایزلاوچی‌لر ریاستی باشلیغی عبدالرؤوف غفوری‌نینگ ایتیشیچه، جاری ییل باشلنگنیدن بویان 1108 غوری‌لیک عایله ایراندن سورگون ایتیلگن و بو عایله‌لردن کوپینچه‌سی یمان وضعیت‌ده حیات کیچیره‌دیلر.
جناب غفوری‌نینگ ایتیشیچه، سورگون ایتیلگن قاچقین‌لردن بیرقطاری‌نینگ یاشی کیچیک دیر. اونینگ ایتیشیچه، عایله‌لر چیت‌ایللیک مملکت‌لرده یخشی حیات کیچیریش آرزوسیده بوتون بارلیک‌لرینی ساته‌دیلر، بیراق قیتیب کیلگن دن سونگ دقت قیله‌دیلرکه بوتون بارلیک‌لرینی قولدن بیرگن‌لر.
غور مدنی فعاللری‌نینگ انسان قاچاق وضعیتیدن خواطر بیلدیریب ایتیشیچه، هرییلده کوپ قطار یاشلر معلوماتی یوق‌لیگی باعث، اوزلرینی انسان قاچاقچی‌لریگه تاپشیریب قوشنی مملکت‌لر تامان یولگه چیقه‌دیلر. اخیرده زوره‌وانلیک، توهین و قولگه آلینیش قاچاقچی‌لرگه اعتماد قیلیش‌نینگ نتیجه‌سی دیر.
.png)
غور مدنی جماعه ترماغی‌نی مسوولی محمدوزیر نورانی نینگ ایتیشیچه، اولر هردایم انسان قاچاقی نینگ خطری و قاچقین‌لر خصوصیده دادخواه‌لیک قیلگنلر، بیراق محلی حکومت بو توغریده هیچ‌قندی دقت قیلمه‌گن.
غور ولایتی بویچه انسان حقلری کمیسیونی مسوولی‌نینگ ادعا قیلیشیچه، قاچاقچی‌لر و قوشنی مملکت‌لرنینگ چیگره پولیسی افغانستان‌لیک قاچقین‌لرگه قرشی یمان شکلده یول باره‌دیلر و اولرنی توهین قیله‌دیلر.
غور ولایتی بویچه انسان حقلری کمیسیونی‌نینگ باشلیغی مبارک رضایی نینگ ایتیشیچه، قوشنی مملکت‌لر پولیسی‌نینگ قاچقین‌لرگه قرشی حرکت‌لری برچه انسان حقلری خلق‌ارا کنوانسیون‌لریگه قرشی دیر.
جناب رضایی، افغانستان دولتی‌دن یاشلرگه ایش زمینه‌سی یره‌تیب و اولرگه قاچقین‌لیک خطرلری خصوصیده معلومات بیریشی‌نی ایسته‌یدی.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)نینگ 8- ماده‌سی، 12- بندی و 1- فقره‌سیگه کوره، افغانستان بوییچه انسان حقلری ایرکین کمیسیونی، «انسان قاچاقی و مهاجرلر قاچاقی‌نینگ جنایت‌لری آلدی آلینیشی و انسان قاچاقی و مهاجرلر قاچاقی‌نینگ جنایت‌لریدن ضرر کورگن‌لرنینگ حقلری رعایت قیلینیشی اوچون معلوماتی و تعلیماتی برنامه‌لرنی قولگه آلیشی کیره‌ک.
