د روسیې هېواد ولسمشر ولادي مير پوتين ویلي دي، چې د ځېنو عربي هېوادونو امنیت او ثبات د ترهګرۍ له امله له ستر ګواښ سره مخ دی.
پوتین وايي، چې د ترهګریزو برېدونو له امله سلګونه زره ولسي وګړي اغیزمن شوي او سخت دریځو یې تاريخي او فرهنګي قیمتي اساست له منځه وړي دي.
د یکشنبې پر ورځ د دغه هېواد د ولسمشرۍ مانۍ په وېب پاڼه کې د پوتين له خولې نقل شوي وو، چې د سیمه ییزو همکاريو پرته د ترهګرۍ پر ضد جګړه اغېزمنه نه ده.
پوتين ويلي دي، چې سیمه ییزو ستونزو ته باید د خبرو اترو له لارې حل يپدا شي او د نړیوالو قوانینو په پام کې نیولو سره ژر تر ژره د لیبیا، سوریې او یمن هېوادونو شخړو ته د پای ټکی کېښودل شي.
