.jpg)
د افغانستان کندوز ولایت څخه لاسته راغلي راپورونه وايي، چې په دغه ولایت کې د سره صلیب ۴ کار کوونکي د ناپېژاندو وسلهوالو له خوا تښتول شوي دي.
راپورونه وايي، چې په تښتول شويو کسانو کې یو بهرنی مامور هم شامل دی.
د کندوز د والي ویاند سېد محمود دانش سلاموطندار ته د پېښې د تایید ترڅنګ ویلي، چې د سره صلیب دغه کارکوونکي غوښتل د کندوز څخه بغلان او یا نورو ولایتونو ته سفر وکړي، چې نن یکشنبه (ډسمبر ۱۹مه) له غرمې وروسته د علي اباد په سیمه کې د ناپېژاندو وسلهوالو له خوا تښتول شوی دی.
نوموړی زیاتوي، چې د دوی د لومړنيو راپورونو له مخې وسلهوالو دغه کسان د کندوز خاناباد سیمې ته لېږدولي دي.
د کندوز د والي ویاند وايي، چې د دغو کسانو د خلاصون په موخه هڅې روانې دي.
