د افغانستان زونونو فوټبال سیالیو ته د لارې موندنې په موخه د کابل ولایت منتخبې فوټبال لوبډلې د ټاکلو لړۍ پیل شوه.
د فوټبال فدراسیون له خوا خپره شوې خبرپاڼه کې ویل شوي چې په دې ټاکنیزو فوټبال سیالیو کې د کابل ښار ۸ زونونوفوټبال لوبډلې برخه لري.
چارواکي وایي چې ددې سیالیو په پای کې به غوره لوبغاړي د کابل په استازیتوب د افغانستان د زونونو فوټبال سیالیو ته وټاکل شي.
د فوټبال فدراسیون خبرپاڼه لیکي چې دغه ټاکنیزې فوټبال لوبې به د پنځه ورځو له پاره د کابل په (مولا علي) ورزشي جمنازیوم کې روانې وي.
