د کابل ښار لومړۍ حوزې اړوند په شاه دوشمشيره جومات ته څېرمه عامو خلکو په يوې ښځې ډله ييز حمله وکړه او په وهلو وهلو یې ووژله.
د راپورونو پر بنسټ له وژل کېدو وروسته یې بیا د غه ښځه په اور کې سیزلې ده.
د پېښې په ځای کې موجود کسانو رسنيو ته ويلي، سوزول شوې مېرمن د شاه دوشمشېره جمات ته داخله شوه او دقران د څو نسخو سپکاوی یې وکړ، له هغې وروسته پرې خلک راټول شول او په وهلو ټکولو یې ووژله.
عیني شاهدان وايي، له وژل کېدو وروسته د ښځې جسد د کابل سیند ته غورځول شوی او بیا په اور کې سوزول شوې ده
په ټولنیزو رسنيو کې د دغې پېښې په خپره شوې ويډيو کې ليدل کيږي، چې په سيند کې د وژل شوې ښځې پرغورځيدلي جسد اور پورې شوی اود اطفايې کار کوونکي جسد نامعلوم ځای ته ليږدوي.
په دغه ويډيو کې د سيمې پوليس او موټر هم ليدل کيږي.
تراوسه پوري څرګنده نه ده، چې دې ښځې ولې د خلکو په وړاندې قرآنکریم ته اور ورته کړ.
ښايي دا لومړی ځل وي، چې یو څوک په عام محضر کې قرانکريم ته اور ورته کوي او بیا د عامو خلکو له لوري د مرګ تر بریده سزا ورکول کيږي.
د کورنيو چارو وزارت د جنايي تحقيقاتو لوی رییس عبدالغفار سېد زاده سلام وطندار ته د پېښې په اړه ناخبري وښوده.
په دې اړه مو وغوښتل، چې د کابل ولایت د جنايي جرمنو له رییس او ویاند سره اړيکي ونیسو، خو د مکررو تماسونو سره سره بیاهم بريالي نه شو.
قران ته د سپکاوي په تور د وژل شوې مېرمنې عمر د ۲۸ او ۳۰ کلونو ترمنځ ښودل کيږي.
