.JPG)
د جوزجان د ولایتي شورا غړی بسمالله ساحل سلاموطندار ته ویلي چې طالبانو بېګاه د دغه ولایت په اقچې ولسوالي کې پر «بالاحصار او جبارشهید» پوستو بریدونه کړي دي.
د نوموړي په وینا، په یاده نښته کې تر نن سهاره یې دوام کړی، ۱۳ د ملي اردو سرتېري او دوه پولیس وژل شوي او ۶ نور سرتېري طالبانو له ځان سره بیولي دي.
دغې ډلې یو ټانګ سوځولی او بل یې له ټولو مهماتو سره له بالاحصار پوستې نه بیولی دی.
د ولایتي شورا دغه غړی د اقچې ولسوالي امنیتي وضعیت د اندېښنې وړ بولي. په دې اړه د د ۲۰۹ شاهین قولاردو د نظر په اخیستو ونه توانېدو.
د جوزجان د والي ویاند عبدالمعروف اذر هم پر یادو پوستو د طالبانو بریدونه مني، خو له کبله یې د اوښتې مرګژوبلې په اړه جزیات نه ورکوي.
بلهخوا یوې باوري محلي سرچینې چې نه غواړي نوم یې یاد شي، سلاموطندار ته ویلي چې د طالبانو په بریدونو کې ۱۳ د ملي اردو سرتېري او ۲ پولیس وژل شوي او ۱۳ نور سرتېري ټپیان شوي دي.
د سرچینې په وینا، طالبانو د ملي اردو ۴ سرتېري هم له ځان سره بیولي دي.
طالبانو تر اوسه په دې اړه رسنیو ته څه نه دي ویلي.
