په کابل کې نن د لومړي ځل لهپاره د سولې بهیر تعقبیولو او تامین په موخه د پخلاینې رهبرۍ شورا غونډه وشوه.
افغان ولسمشر محمداشرف غني د پخلاینې رهبرۍ شورا په نننۍ غونډې کې وویل چې دا شورا به له ډېرو مشورو وروسته جوړه شوېده او نننۍ غونډه د نږدې تېرو دوو میاشتو خبرو اترو پایله ده.
د ښاغلي غني په وینا، پهدې غونډه کې یې د سولې بهیر د موخو او له طالبانو سره د خبرو اترو د ترکیب لهپاره د غوره کېدونکیو کسانو په اړه مهمې خبرې وشوې.
افغان ولسمشر وویل، هغه کسان چې په واضح ډول د نظام او ۱۸کلنو لاستهراوړونو پر وړاندې تخریب کوي، د سولې په اړه د خبرو اترو په پلاوي کې باید حضور ونهلري.
ده په ورته وخت کې دا هم وویل چې له حکومتي چارچوبه بهر حکومتي مشران سیاسي او ټولنې د نورو اقشارو مشران او استازي به د ملت په خوا کې د سولې بهیر پرمخ بیولو لهپاره په یو کتار کې قرار ولري او په ټول یووالي سره به د هېواد د راتلونکي په اړه د سولې بهیر او دې بهیر ته د ټاکل کېدونکي ترکیب په باب مهمې پرېکړې وکړي.
د پخلاینې رهبرۍ شورا ـ چې له جهادي او سیاسي مشرانو نه جوړه شوې ـ له سولې عالي شورا وروسته دویمه پرېکړهکوونکې مرجع ده چې د سولې په اړه بحث کوي.
د دې شورا غړي له طالبانو سره د خبرو اترو لهپاره د ټاکل کېدونکي پلاوي غړيو د ټاکلو مسوولیت لري.
د د پخلاینې رهبرۍ شورا ویاند محمدعمر داودزي نن په کابل کې یوې خبري غونډې ته وویل چې له طالبانو سره د خبرو اترو کوونکي پلاوي صلاحیتونه او مسوولیتونه به په راتلونکي غونډې کې مشخص شي.
ښاغلي داودزي وویل چې په نننۍ غونډې کې پرېکړه شوې چې د قطر په غونډې کې له افغانستانه یو همهشموله پلاوی ګډون وکړي.
ورته مطالب:
