نن په کابل کې د ترکمنو مېرمنو لومړني دایمي نندارتون پرانېستل شو.
غالۍ، ټغر، مینڅي، ترکمني ګاڼې، ښځینه او نارینه جامې، سپڼسي او ورېښمین ټیکري، خولۍ او ځېنې نور په لاس جوړ شوي څیزونه د ترکمنمېرمنو په لومړني دایمي نندارتون کې اېښودل شويدي.
د ترکمنو مېرمنو ټولنیز انجمن مرستیاله نوریه شریفي وایي چې اوس شاوخوا ۲۰۰مېرمنې پهدې انجمن کې کارکوي.
د افغانستان ترکمنو مېرمنو ټولنیز انجمن ځېنې غړې د خپلو جوړو کړیو توکیو لهپاره د بازار او د دولت ملاتړ غوښتنه کوي.
د افغانستان ترکمنو مېرمنو انجمن په ۱۳۸۴ لمریز کال کې کار پیل کړیدی.
د افغانستان غالیو او نورو لاسي صنایعو پراختیا، د سواد کچې لوړول، د ښځو مالي او اقتصادي ستونزو لېرې کول، کورنیو او بهرنیو بازارونو ته د ترکمنو مېرمنو لاسي صنایعو ورپېژندل او هغو ته بازار موندنه د انجمن له بنسټیزو موخو ګڼل کېږي.
