راپورونه وايي، چې د فاریاب ولایت د پښتون کوټ ولسوالۍ ۵ کلي د وسله والو طالبانو لاس ته سقوط وکړ.
همدارنګه داسې هم ویل کيږي، چې له جګړې وروسته د خلکو د پاڅون ځينې سرتيري هم په کې وژل شوي او ټپیان دي.
وروسته له ۶ ورځو جګړو څخه وسله والو طالبانو په پښتون کوټ ولسوالۍ کې، قیرق ییګیت، کله شاخ، په ګليم باف سيمه کې ۱۲ ایماق کلی او شاوخوا نور کلي يې د خلکو د پاڅون کوونکو ځواکونو نيولي دي.
د فاریاب ولایت د پښتون کوټ ولسوال عبدالقدير قادري د دغې پېښې د منلو ترڅنګ وايي، چې وروسته له شپږو ورځو جګړو څخه په دغه ولسوالۍ کې د خلکو د پاڅون قومندان امان الله ټپی شوی او د خپلو پلويانو سره يو ځای په "سر حوض" سيمه کې يې شا تګ کړی.
همدارنګه هغه زیاتوي، چې د ګليم باف سيمه په شپړه توګه د وسله والو طالبانو لاس ته سقوط کړی او اوسمهال د سرحوض سيمي شاوخوا درنه جګړه روانه ده.
نوموړی خبرداری ورکوي، که چېرې ژر تر ژره دولت د دغو سيمو د بېرته نيولو په هکله جدي اقدام و نه کړي، نو د غورماچ ناورین به یو ځل بیا تکرار شي.
