د هلمند د والي وياند عمر ځواک وايي، نن سهار د کجکي ولسوالي اړوند په اذان سيمه کي يوه کښتۍ چې عام خلک یې له سيند نه تېرول، اوښتې او درې ماشومان، دوه ښځې او درې نارينه چې پهکې سپاره وو، مړه شوي دي.
هغه وايي، تر اوسه د مړو شویو کسانو جسدونه په هلمند سيند کې دي او د موندلو لپاره يې پلټنې پيل شوې دي.
دا په داسې حال کې ده چې تر دې مخکې هم په هلمند سیند کې د ماشومانو په ګډون، لسګونه کسان ډوب شوي چې د ځینو یې مړي موندل شوي او یوشمېر نور یې تر اوسه لادرکه دي.
