په مریخ سياره کې زرګونه کاله پخوا د یو لوی سمندر د شتون شواهد پېدا شوي.
تحقيقات وايي، چې هغه مهال دغه سمندر د مریخ ۲۰ سلنه برخه نيولې وه.
د ناسا په نوم د امريکا متحده ایالاتو فضايي څېړونکې ادارې ساینس پوهان وايي، چې په مریخ کې ۱۵۰۰ زره کاله پخوا دغه سمندر موجود و.
ساینس پوهان وايي، یاد سمندر لکه د ځمکې د شمالې قطب سمندر په شان و، چې د هغه ژوروالی د روم بحر په اندازه يو ميل یا ۱۰۰۰ متره و.
د امريکا د ناسا ادارې ساینس پوهان زياتوي، چې دغه موضوعات يې په مريخ کې د بېلابېلو تلسکوپونو له انځورونو څخه موندلي دي.
د څېړونو پر بنسټ د مريخ پر ځمکه يې د اوبو او تېلو د يو محلولي نښه هم ليدل شوې ده.
امريکايي ساینس پوهان وايي، چې په اوبو لرونکي سيمه کې هر ډول هوا د شتون امکانات شته، خو دا يې لا تر اوسه نه ده موندلې، چې په دغه سياره کې اوبه اوس ولې ورک شوي دي؟
