د لوګر مرکز پلعلم او محمداغې ولسوالۍ ځېنې اوسېدونکي شکایت کوي چې خپلو مسوولیتونو ته د پولیسو نه پام له امله، ناامنۍ او وسلهوالې غلاوې زیاتې شوي دي.
د دغو سیمو ځېنو استوګنو سلاموطندار ته وویل، د پخوا په پرتله یې سیمو کې ناامني او وسلهوالې غلاوې زیاتې شوي دي.
د مرکز پلعلم دوه اوسېدونکي میرحمزه او الیاس وايي، په سیمو کې یې د کندوز او خوست ولایتونو ځنې نوي محلي پولیس ګومارل شوي دي.
دوی تور پورې کوي د دغو محلي پولیسو په ګومارل کېدو سره هدفي وژنې، وسلهوالې غلاوې او د ولسيوګړیو وهلټکول دوه برابره زیات شوي دي.
دعوه کوي، دغه محلي پولیسو په غلاوو کې لاس لري او دا ټولې ستونزې د دوی له کبله دي.
دغهراز د محمداغې ولسوالۍ اوسېدونکی ذاهدالله وايي، د نویو محلي پولیسو په ګومارل کېدو سیمه کې امنیت خراب شوی او د دوی ترولکې لاندې سیمو کې قومي مشران او ځوانان وژل کېږي.
دی وايي، دغه تشکېل په دې ناخوالو کې لاس لري او دې چارې پر امنیتي ځواکونو د خلکو شک زیات کړی دی.
خو د لوګر امنیې قوماندانۍ ویاند شاپور احمدزی وسلهوالو غلاوو کې د پولیس لاس لرل ردوي. وایي، که لاس لرل یې ثابت شي قانوني چلند به ورسره وشي.
مسوولان په پلعلم او محمداغې ولسوالۍ کې د ناامنۍ ډېروالي او د نورو ولایتونو محلي پولیسو موجودیت مني. خو وايي، په هغو سیمو کې چې خلک نه غواړي د محلي پولیسو لیکو ته ورشي اړ دي د امنیت ټینګښت لهپاره د نورو ولایتونو محلي پولیس هلته وګوماري.
