د فراه د پوهنې رییس محمدعظیمي سلام وطندار ته وویل چې تېره شپه نامعلومو وسلهوالو په فراه ښاره کې د شهیدبنفشې په نوم د نجونو لېسه سوځولې ده.
د ده په وینا، د دې ښوونځي ډېرې برخې سوځېدلې دي.
د فراه د پوهنې رییس زیاتوي، تر اوسه معلومه نهده چې دا ښوونځی چا سوځولی؛ خو په اړه یې پلټنې روانې دي.
د ښاغلي عظمي په وینا، پهدې ښوونځي کې شاوخو ۱۰۰۰ نجونو درس ویلو او په فراه ښار کې تر ټولو ښه لېسه ګڼل کېدله.
د فراه د ولایتي شورا مرستیال شاهمحمود نعیمي له ځايي مسوولانو غواړي چې د دې پېښې عاملان ونیسي او د دې ښوونځي په بیارغونه کې هلې ـ ځلې ګړندۍ کړي چې زدهکوونکي له زدهکړو محروم نهشي.
تر اوسه کومې وسلهوالې ډلې یا چا د دې پېښې د مسوولیت په اړه څه نهدي ویلي.
