د فاریاب ولایت د امنیه قوماندانۍ ویاند عبدالکریم یورش سلام وطندار ته وویل، دا نجلۍ چې د فاریاب په پوهنتون کې د ادبیاتو او بشري علومو زده کړیاله وه؛ د درملو په خوړلو ځان وژلی دی.
تر اوسه د دې نجلۍ د ځان وژنې لامل نه دی معلوم؛ خو په فاریاب کې یو امنیتي مسوول د نوم نه اخیستلو په شرط سلام وطندار ته وویل، چې دغه نجلۍ یو ځوان سره مینه کوله او هغه سره يي په واده کې د کورنۍ اختلاف له امله په ځان وژنې لاس پورې کړی دی. د ده پر وینا، نجلۍ څه موده د خپلې کورنۍ له خوا بندۍ شوې وه، چې بلاخره خبره د دې په مرګ تمامه شوه.
د فاریاب امنیه قوماندانۍ ویاند یورش وايي، چې د دې نجلۍ د ځان وژنې لامل په اړه څېړنې روانې دي؛ خو تر اوسه يې په دې اړه څوک نه دي نیولي.
د نجلۍ کورنۍ هم تر دا مهاله په دې اړه څه نه دي ویلي.
