د جوزجان سیمهییز چارواکي وايي، چې د دې ولایت د مرکز شبرغان په «چهلمرد» سیمه کې یوې جلۍ خپل ځان راځوړلی او وژلی دی.
د جوزجان ولایت د امنیت امر عبدالحفیظ خاشې وايي، چې دا ۲۰ کلنه جلۍ حاجیه نومېږي، چې تېره شپه یې په طناب باندې ځان راځوړولی دی.
د ده په خبره، دا جلۍ کوژده شوې وه.
خاشې زیاته کړه، چې د دې پېښې د څېړنو لهپاره نورې پلټنې روانې دي، خو د جلۍ د کورنۍ له خولې وايي، چې دې جلۍ د رواني تکلیفونو له امله ځانوژنه کړې ده.
دا په جوزجان کې د روانې اوونۍ په اوږدې کې له ښځو سره د تاوتریخوالي او ځانوژنې درېیمه پېښه ده.
