د روزګان ولایت په مرکز ترینکوټ کې له تېرو ۸ میاشتو راهیسې وسلهوالو طالبانو د ملي اردو قرارګاه محاصره کړېده. د ملي اردو یاده قرارګاه د مرکز ترینکوټ اړوند د «مهراباد» په سیمه کې ده.
د روزګان د ولایتي شورا مشر امیرمحمد خان بارکزي نن دوشنبې سلام وطندار ته د خپلو معلوماتو له مخي وویل، پهدې قرارګاه کې د ملي اردو ۱۴۰ تنه سرتېري مېشت وو؛ خو د محاصرې او جګړو له امله يې اوس شمېره ۱۰۰ تنو ته نږدې شوېده او نور يې وژل شوي او ټپیان شويدي.
د ده په خبره، له دوی سره په لومړي سر کې ملي پولیس هم وو؛ خو هغه له وسلهوالو طالبانو سره یوځای شول او د ملي اردو سرتېري يې یوازې پرېښودل. د ده پر وینا، په قرارګاه کې پاتې سرتېري هم د مرګ له ګواښ سره مخ دي.
د بارکزي پر وینا، د دوی ګیله له مرکزي ادارې ده او د روزګان وضعیت د کورنیو چارو وزات او نورو اړوندو امنیتي ارګانونو لهخوا خراب شویدی.
د ولایتی شورا مشر وايي، هر څوک چې دې ارګانونو ته مکتوب په لاس لیږل شوی؛ د روزګان امنیت یې له ګواښ سره مخ کړیدی.
پهدې ولایت کې په پرلهپسې ډول د ملي دفاع وزارت لهخوا هم د قرارګاوو لهپاره مشران بدلېږي ـ رابدلېږي.
خو د روزګان امنیه قوماندان مل پاسوال غلام فاروق سنګري بیا سلام وطندار ته وویل، د دوی د مقررۍ سره سم پر مرکز ترینکوټ سربېره په لېرو پرتو سیمو کې هم امنیت ښه شوی او خلک ترې خوښ دي.
نوموړی د محاصرې خبره هېڅ نهمني، زیاتوي چې هره ورځ پوځي عملیات کوي او وسلهوال يې په شا کړي او تر څنګ یې لا هم هڅه کوي، چې د خلکو ژوند ارام کړي.
وسلهوالو طالبانو تر اوسه پهدې قرارګاه په اړه څه نهدي ویلي.
