په ترکيه کې د اساسي قانون د تغیر په موخه ټولپوښتنه پېل شوې، چې لهمخې به یې د ترکيې هېواد اوسيدونکي د خپل اساسي قانون د تغیر یا تایید په موخه خپلې رایې وکاروي.
د دوی ټولپوښتنه د ترکيې پر وخت نن سهار ۷ بجې پېل شوې ده.
پهدې اړه د یاد هېواد مشر رجب طیب اردوغان ویلي، غواړي د ترکیې اساسي قانون بدل کړي او پارلماني نظام په ریاستي واړوي، ترڅو هېوادمشر ته ډېر واکونه ور په برخه شي.
که اساسي قانون د بدلېدو رايې ترلاسه شي، نو اردوغان ته به اجازه ورکړل شي، تر ۲۰۲۹ کال پورې خپل واک وچلوي.
د راپور پر بنسټ، په ترکيې کې د نن ورځې ټولپوښتنه د "هو او نه" غوراوۍ لري.
د ترکيې هېواد پر ټاکنو د څارنیزو او اجرایي بنسټونو د اعلان له مخې، اوسمهال په هغه هېواد کې نژدې ۵۵ میلیونه کسان په ټولپوښتنه کې د ګډون په شرایطو برابر دي.
