.jpg)
د شمالي کوریا هستوي ازمایښت او د توغندیو له پروګرام نه وروسته د امریکا متحده ایالاتو هوډکړی، چې په سویلي کوریا کې په هوا کې د توغندیو د له منځه وړلو پرمختللی سیستم (THAAD) ځای پر ځای کړي.
په دې وروستویو کې سویلي کوریا د دواړو هېودونو د ګډصنعتي پارک برېښنا او اوبه قصع کړې، چې په غبرګون کې یې شمالي کوریا د سویلي کوریا کاریګر له خپل هېواده وویستل او ورسره مالونه یې ضبظ کړل.
د اسوشېټېډ پرس د راپور پربنسټ د توغندیو دغه دفاعي پرمختللي سیستم د لېږدلو تیارې د تېرې جمعې په شپه د امریکا د تګزاس ایالت څخه د سویلي کوریا د اوسان هوايي ډګر پر لور حرکت وکړ.
دغه توغندي د دې وړتیا لري، چې په هستوي خولیو سمبال توغندي په هوا کې په نښه او له منځه یوسي.
د امریکا دغه کار د چین او روسیې هېواد غوسه راپارولې ده.
.jpg)
د چین هېواد د بهرنیو چارو وزیر وانګ يي د امریکا دغه ډول اقدام په اړه جدي غبرګون ښکاره کړی او د شمالي کوریا سره یې د خبرو اترو په مسله ټینګار کړی دی.
د سویلي کوریا حکومت یو چارواکي د نوم نه څرګندولو په شرط وايي، چې دغه دفاعي سیستم سامان یوازې د دې له پاره راوړل شوی دی، چې د شمالي کوریا له احتمالي برید نه مخنیوی وشي.
ده زیاته کړې ده، چې له دې پرته په سیمه کې د بې ثباتۍ او نور کارونو له پاره کار نه اخیستل کېږي.
د امریکايي ځواکونو یو مشر قوماندان جنرال توماس وندال ویلي دي، دغه دفاعي سیستم د سامانونو لېږد دوی د شمالي کوریا د ګواښ په مقابل کې ډاډمنوي.
دغه چمتووالي په داسې حال کې نیول کېږي، چې د شمالي کوریا رهبر کیم جونګ اون نظامي ځواکونو ته امر کړی و، چې د سویلي کوریا سره په پولو کې د تیارسي په حال کې وي.
