.jpg)
هند هغه اوبه بندې کړې چې له دغه هېواده پاکستان ته بهېدې.
د هند د کښتۍ چلولو او لېږد رالېږد وزیر پر خپلې ټویټرپاڼې لیکلي چې «اوبه به په جاموکشمیر او پنجاب کې خپلو هېوادوالو ته ورسوو. د راوي بند پر جوړولو مو کار پیل کړی. دا بند به د جاموکشمیر لپاره لازمې اوبه ذخیره او پاتې نورې به د اوبو یوه ستر مخزن ته ولېږدول شي.»
دا په داسې حال کې ده چې د ۱۹۶۰ کال د هوکړهلیک پر بنسټ پاکستان د هند له شمالي سیندونو نه د ګټې اخیستلو حق لري.
د اسلاماباد او نوي ډیلي اړیکې له هغه وروسته خرابې شوې چې په جاموکشمیر کې د یوه برید له امله د هند ۴۴ ځواکونه ووژل شول.
«د هند او پاکستان کړکېچ د افغانستان په ګټه دی»
افغان سوله، د هند او پاکستان د کړکېچ قرباني
.jpg)
د فبروري میاشتې د ۱۴مې برید مسوولیت پاکستان مېشتې جیشالمحمد ډلې پر غاړه واخیست.
هند پر اسلاماباد تور پورې کړ چې په دغه برید کې لاس لري، خو پاکستان د یادو تورونو د رد ترڅنګ، له ملګرو ملتونو وغوښتل چې د دواړو هېوادونو ترمنځ رامنځته شوی کړکېچ حل کړي.
