د بغلان ولایت سیمه ییز چارواکي وايي، چې په دې ولایت کې د سکرو ډبرو د یو کان د راښویېدو له امله د کان دوو تنو کارکوونکیو خپل ژوند له لاسه ورکړی دی.
د بغلان د نهرین ولسوالۍ اجرایوي امر عبدالودود شېرزاد سلام وطندار ته وویل، چې دوه ورځې مخکې د نهرین ولسوالۍ په چنارک سیمه کې د سکرو ډبرو د یو کان په ښويېدو کې دوه تنه وژل شوي دي. د ده په خبره، ځايي اوسېدونکي نه دې توانیدلي چې د کان د کارکوونکیو جسدونه راوباسي.
د وژل شویو کسانو یو نږدې خپلوان محمدعظیم هم وايي، چې د ولسوالۍ سیمهییز مسوولان او اوسېدونکي هڅه کوي، چې په کان کې د وژل شویو کسانو جسدونه راوباسي؛ خو تر اوسه نه دي بریالي شوي.
یوه اونۍ مخکې د بغلان ولایت د ولایتي شورا غړیو د سکرو ډبرو د غیرمعیاري او خپلسري استخراج په اړه اندېښنې ښودلې وې.
