د بامیانو سیمهییز چارواکي وايي، چې تېره شپه د (فېبرورۍ پر ۱۴مه) نامعلومو وسلهوالو د د مرکز اړوند «ګوروانای» سیمه کې یوې نجلۍ باندې ډزې کړي او وژلې یې ده.
د بامیانو د والي ویاند عبدالرحمان احمدي د خبر د تایید ترڅنګ سلاموطندار ته د دې قتل علت کورنی تاوتریخوالی ګڼي او ویې ویل، چې تر اوسه د دې پېښې په اړه د مقتولې کورنۍ څو مشکوک غړي نیول شوي دي.
د احمدي پر وینا، لومړنۍ څېړنې ښيي، چې د مرمیو تر څنګ د دې نجلۍ پر وجود د چاقو د ګوزارونو نښې هم لیدل کېږي. ده زیاته کړه، چې د پېښې د اصلي عاملانو د نیولو په اړه څېړنې روانې دي.
د بامیانو ملکي روغتون رییس ډاکټر سیلیم نیکپي سلاموطندار ته وویل، چې مرمې د جلۍ په سر لګېدلې ده. د روغتون د رییس پر وینا، له دې سره په روانه یوه میاشت کې دا د ښځو د وژنې څلورمه قضیه ده، چې له دې روغتون سره ثبتېږي.
دوه اوونۍ مخکې نامعلومو وسلهوالو هم په همدې سیمه کې د یوې ۲۰ کلنې جلۍ غاړه په چاقو پرې کړې وه.
