باميانو ولايت کې تېره ورځ( جمعه، دلوه ۱۸) د پروان او باميانو ولايت د ورزشکارانو ترمنځ د اس ځغلونې دوستانه لوبې به ترسره کېدو د دې ولايت د ژمني ګرځندويۍ دويمه جشنواره پيل شوه.
د ياد ولايت سيمهييز مسوولان وايي، په دې جشنواره کې سيمهييزه موسيقي، شعر لوستل، د سکي لوبې، د لاسي صنايعو نندارتون او د بودا ښودنې نمايش هم شامل دي.
ټاکل شوې بياميانو کې دا نندارتون يوې مياشتې پورې دوام وکړي.
د باميانو اوسېدونکي وايي، د دې ډول سياليو او جشنوارو ترسره کول ګرځندويۍ ته لار هواروي.
د يادې جشنوارې په پرانيستو کې د اطلاعاتو او فرهنگ وزارت مالي او اداري مرستيالې سیدې مژگان مصطفوي هم حضور درلود وويل چې بامیان ولایت په هېواد کې د ګرځندویۍ یو له مهمو ځایونو دی.
د باميانو والي محمدطاهر زهیر په دغه ولایت کې د ګرځندویۍ د صنعت پر ودې ټینګار کوي او وايي چې د ګرځندویۍ صنعت د بامیانو د عاید یوازینۍ سرچینه ده.
