د فاریاب د ښځو چارو ریاست مسوولان وايي، په دغه ولایت کې یوه کس خپله مېرمن په اور سور کړي بېل او جوشو اوبو شکنجه کړې ده.
د دغه ولایت د ښځو چارو رییسه ماریا نوري وايي، لعل بيبي چې ۱۷ کاله عمر لري او د فاریاب د غورماچ ولسوالي اوسېدونکې ده، د خاوند له لوري تر شکنجه کولو وروسته د میمنې ښار روغتون ته لېږدول شوې ده.
د نوري په وینا، د لعل بيبي خاوند د هغې دواړه پښې په اور سور کړي بېل او جوشو اوبو سوځولي دي.
هغه زیاتوي، د روغتون ډاکټرانو ویلي چې د لعل بيبي د ژغورلو لپاره باید د نوموړې دواړه پښې پرې شي.
د فاریاب د امنیې قومانداني ویاند عبدالکریم یورش د دغه خبر د تایید ترڅنګ وايي، د یادې پېښې په تړاو یې د لعل بيبي خسر نیولی دی.
اړوند مطالب:
