د عامې روغتیا وزارت ویلي چې په تېره یوه شپه او ورځ کې یې د کورونا ۳۲۸ شکمنې نمونې کتلي چې د ۵۹ هغو پایلې مثبتې ختلې دي.
د تازه پېښو په ثبت سره په هېواد کې پر کورونا ویروس د اخته کسانو شمېر ۳۷ زره ۹۵۳ ته رسېدلی دی.
روغتیا وزارت ویلي یادې تازه پېښې په هرات، بلخ، ننګرهار، کونړ او نورستان ولایت کې ثبت شوې دي.
د دغه وزارت په وینا، په تېره یوه شپه او ورځ کې هېڅوک د کورونا ویروس له کبله نه دي مړه شوي.
د روغتیا وزارت د شمېرو له مخې، د کورونا ویروس له خپرېدو راهیسې ټولټال ۱۳۸۵ کسانو د کورونا له کبله خپل ژوند له لاسه ورکړی دی.
