په بدخشان کې د برېښنا شرکت مشر سلطان عطايي وايي، د کورنیو چارو او دفاع وزارت اړوند بنسټونو په ځانګړي توګه د بدخشان امنیه قوماندانۍ او همداراز یو شمېر زورواکیو د برېښنا ۱۶میلیونه افغانۍ لګښت نهدی ورکړي.
د ده په خبره، پهدې ولایت کې د برېښنا د لګښت باقيداري نږدې ۵۰ میلیونو افغانیو ته رسېږي.
ښاغلي عطايي همدارنګه زیاته کړه، دغه امنیتي او دفاعي بنسټونه سره لهدې چې خپله د برېښنا د لګښت پورهوړي دي؛ له زورواکیو هم د برېښنا د لګښت په را ټولوولو کې له دوی سره مرسته نهکوي.
د بدخشان د برېښنا رییس دا هم وویل چې د بدخشان په سرحدي سیمو کې د برېښنا لګښت د نه ورکولو له امله کله ناکله تاجیکستان هېواد کله ناکله د سرحدي ولسوالیو وارداتي برېښنا پرې کوي.
په همدې حال کې د بدخشان د امنیه قوماندانۍ چارواکي وايي چې د برېښنا لګښت نه ورکلو نه یوازې اوسنۍ؛ بلکې د تېرو کلونو ستونزه ده او په خبره یې چې څنګه یې بودیجه راورسېده؛ د برېښنا لګښت به ورکړي .
د بدخشان د امنیه قوماندۍ د امنیت آمر محمدطارق ضیاپور وايي چې د برېښنا د خپل لګښت د پور پرېکړې تر څنګ ژمنه کوي چې له مشترکینو او ښاریانو به هم د برېښنا لګښت پیسې را ټولې کړي.
خو په بدخشان کې د برېښنا شرکت چارواکي ادعا چې امنیتي ځواکونه له زورواکیو د برېښنا د لګښت په را ټولولو کې صادق نهدي.
