وسلهوالو طالبانو بېګاه ناوخته پرغزني ښار بریدونه وکړل.
د غزني ولایتيشورا غړي نصیراحمد فقیر سلاموطندار ته وویل، وسلهوالو طالبانو بېګا شپه ناوخته پر غزني ښار له ۴ خواوو ډلهییز بریدونه پیل کړي وو.
د فقیر په وینا، ښار ته مرستندویه ځواکونه رسېدلي او له طالبانو سره په جګړه بوخت دي.
خو ځینو رسنیو د غزني امنیې قوماندان فرید مشعل له قوله راپور ورکړی چې پرغزنيښار د طالبانو برید یې په شا تمبولی دی.
نوموړي ویلي چې د امنیتي ځواکونو په ځوابیه برید کې شاوخوا ۱۵۰ طالبانو ته مرګژوبله اوښتې ده.
په همدې حال کې د ولایتي شورا یو بل غړی امانالله کامراني وايي چې طالبانو د ښار ځینې برخې نیولي او د امنیتي ځواکونو څو پوستو په ګډون یې د مخابراتي شبکو انتنونه هم سوځولي دي.
ویل شوي په برید کې امنیتي ځواکونه هم مرګژوبله لري.
په غزني کې زموږ د خبریال د معلوماتو له مخې، اوسمهال جګړه ارامه شوې، خو د ښار له څنډو نه د خال خال ډزو غږونه اورېدل کېږي.
بلهخوا د غزني ولایتي روغتون رییس بازمحمد همت سلاموطندار ته وویل، دې روغتون ته د ۱۴ امنیتي سرتېرو جسدونه او ۲۲ ټپیان وروړل شوي دي.
د همت د مالوماتو له مخې، په ټپیانو کې ۱۹ امنیتي سرتېري او ۳ ملکیان شامل دي.
وسلهوالو طالبانو تراوسه پرغزني د برید او دوی ته د اووښتې مرګژوبلې په اړه څه نهدي ویلي.
