د پروان ځايي چارواکي پهدې ولایت کې د بهرنیو ځواکونو د یوې بېپیلوټې الوتکې د غورځېدلو خبر ورکوي.
د بګرام ولسوال عبدالشکور قدوسي سلام وطندار ته وايي چې دا بېپیلوټه الوتکه د غوڅ ملاتړ ماموریت امنیتي ځواکونو پورې اړوندېږي چې پرون وروسته له غرمې د دې ولسوالۍ په باریکاب سیمه کې د فني ستونزې له امله سقوط شوېده.
د ښاغلي قدوسي په وینا، دا بېپیلوټه الوتکه پهخپل ډول کې تر ټولو کوچنۍ هغه ګڼل کېږي چې ۲۰کیلو وزن یې لرلو.
د بګرام ولسوال زیاتوي چې دا بېپیلوټه الوتکه له سقوطه وروسته د پولیسو له لوري په بګرام کې د غوڅ ملاتړ ماموریت ځواکونو ته سپارل شوېده.
د غوڅ ملاتړ ماموریت ځواکونو تر دامهال پهدې اړه څه نهدي ویلي.
