پروان ناگرانلری، اجتماعی ایشلر ریاستی‌نینگ دروازه‌سینی یاپگن‌لر

بوگون «شنبه» پروان ولایتی‌نینگ مرکزی چاریکار شهریده ناگرانلردن یوزلرچه‌سی، آیلیک حقوقلری کمه‌یتیریلگنی اوچون، ناراضیلیک نمایش اوتکزگن‌لر.

اوشبو اعتراضچی ناگرانلر، ناراضیلیک نمایش یولگه قوییب و مذکور ولایت‌ده اجتماعی ایشلر ریاستی‌نینگ ایشیگینی ایشلاوچی‌لرنینگ یوزیگه یاپیب و شونینگ‌دیک، احمدشاه مسعود جاده‌سینی یولاوچی‌لر یوزیگه توسگن‌لر.

اولرنینگ ایتیشیچه، بوندن آلدین، ییل‌ده هر بیر ناگران اجتماعی ایشلر ریاستی‌دن 60 مینگ افغانی حقوق قولگه کیریته‌دی ایکن، بیراق حاضر بو مبلغ 30 مینگ افغانی‌گه کمه‌یگنی سبب، اولر قبول قیلمه‌یدیلر.

اوروش ناگرانلریدن بیری عبدالصمدنینگ ایتیشیچه، اجتماعی ایشلر و ناگرانلر وزیرلیگی‌نینگ ینگی بیر قراری اساسیده، قویاش 1383- دن 1395- ییل‌لرگچه بیر آز ناگران بولگن‌لر یریم حقوق قولگه کیریته‌دی و بو ییل‌لردن آلدین ناگران بولیب و ناگرانلیک‌لری 60 فایز بولگن‌ده بوتونله‌ی حقوق قولگه کیریته‌دیلر.

اونگه کوره، حاضر برچه ناگرانلرنینگ حقوقی کمه‌یتیریلگن.

ناگرانلردن باشقه بیری محمدصبورنینگ ایتیشیچه، اوشبو اعتراضچی‌لرنینگ ادعاسی اساسیده، یالغیز پروان ناگرانلری‌نینگ آیلیک حقوقلری کمه‌یگن و باشقه ولایت‌لرنینگ ناگرانلرینی حقوقی کمه‌یگن یوق دیر.

بیراق، پروان ولایتی اجتماعی ایشلر ریاستی مسؤول‌لری‌نینگ ایتیشیچه، مذکور ناگرانلرنینگ حقوقی اجتماعی ایشلر وزیرلیگی تامانیدن تعیین ایتیلگن هیأت تیکشیروولری اساسیده کمه‌یتیریلیب و 50 فایز حقوق قولگه کیریتیش‌لری خصوصیده قرار آلینگن.

پروان ولایتی اجتماعی ایشلر ریاستی باشلیغی وکیل‌احمد سهیل‌نینگ ایتیشیچه، بو قیین‌چیلیک‌نی حل ایتیش اوچون اعتراضچی ناگرانلرنی، ناگرانلیک فایزینی اثباتله‌یدیگن کمیسیون‌گه تانیشتیره‌دیلر و ناگرانلیک‌لری‌نینگ نیچه فایزلیگی اثبات ایتیلگنی‌دن سونگ، حقوق قولگه کیریتیش‌لری ممکن.

مملکت‌ده ناگران و شهیدلردن قالگن14 مینگ‌دن آرتیق کیشی هر ییل دولت‌دن حقوق قولگه کیریته‌دیلر.