افغانستان ایرکین میدیالریدن حمایت قیلووچی اداره یا-ده «نی» نینگ ییللیک گزارشی گه کوره، میلادی 2018- ییل جریانیده 12 میدیا اوستیگه هجوم اویوشتیریلگن و توپلم شکلده خبرچیلر و میدیا ایشلاوچیلریگه قرشی 197 زوروانلیک واقعه رویخطگه آلینگن.
نی تشکیلاتینی اجراییه باشلیغی عبدالمجیب خلوتگرنینگ ایتیشیچه، حاضرگی شرایطگه قرهگنده، خبرچیلرگه قرشی زوروانلیک میزانی آشگن. جناب خلوتگرگه کوره، میلادی 2018- ییل جریانیده 20 خبرچی هلاک ایتیلگن و باشقه 20 خبرچی یرهلنگن.
خلوتگرنینگ کوپهیتیریشیچه، خبرچیلرگه قرشی زوروانلیکلردن 55% حکومت رسمیلری، 23% طالبان گروهی، 14% ناتانیش قوراللیلر و 8% عادی یشاوچیلر تامانیدن بولگن.
بیراق، جمهورلیک ریاستی سوزلاوچیسینی اورین باسری شاهحسین مرتضوینینگ ایتیشیچه، خبرچیلرگه قرشی زوروانلیک قضیهلریده حکومت رسمیلرینینگ قولی بارلیگی توغریسیده، مذکور تشکیلاتنینگ معلوماتی ناتوغری دیر.
اوتگن میلادی 2017- ییل جریانیده، خبرچیلرگه قرشی 166 زوروانلیک قضیه رویخطگه آلینگن ایدی.
