بوگون چهارشنبه ایرته‌لب پروان مرکزی چاریکار شهریده کوپ یامغیر یاغگنی باعث سووتاشقین‌لری حادثه‌سی یوزبیردی.
مذکور سووتاشقین‌لری بوگون (چهارشنبه ۵- سنبله) ایرته‌لب ساعت ۲ اطرافیده کوپ یامغیر یاغگنی باعث یوزبیریب و ایکی ساعت گچه دوام تاپگن.
پروان ملکی شفاخانه‌سی نینگ باش داکتری عبدالخلیل حیدری، ۷۷ جسد و ۱۰۳ یره‌دار کسلخانه‌ده انتقال بیریلگنیدن خبر بیرگن. اونگه کوره، حادثه قربانی‌لری آره‌سیده عیاللر و باله‌لر هم شامل دیر.
عین حالده، طبیعی حادثه‌لرگه قرشی کوره‌ش وزیری غلام بهاوالدین جیلانی پروان ولایتیده کیلگن. اونینگ ایتیشیچه، حاضر ضرر کورگن‌لرگه موقتی باش‌پناه و ییگولیک آذیق-آوقت تیارلش اوچون تیارگرلیک‌لری بار.
ملی مدافعه وزیرلیگی سرپرستی اسدالله خالد پروان ولایتیده اضطرار وضعیت کمیته‌سی نینگ ییغینیده ایتیشیچه، ۴ مینگ کمپل، یره‌دارلرگه دارو و قربانی‌لرنی نجات بیریش اوچون بو ولایتده ماشین انتقال بیریلگن.
عین حالده، طبیعی حادثه‌لرگه قرشی کوره‌ش وزیرلیگی مذکور حادثه‌ده هلاک بولگن هر بیر شخص نینگ عایله‌سیگه ۵۰ مینگ افغانی پول یاردم بیرگن و شونینگدیک یره‌دارلرگه هم مالی یاردم بیریلگن.
پروان محلی حکومتی اوشبو طبیعی حادثه نی کوپ کتته و فاجعه‌لی دیب و ملی و خلق‌ارا یاردم بیرووچی نهادلردن ضرر کورگن‌لرگه یاردم بیریش‌لرینی سوره‌گن.
مذکور ولایت نینگ قتناو یوللری حاضرگچه کیلیب-کیتیش یوزیگه باغلیق دیر.
