پروان ولایتیده شدتلی سووتاشق‌لردن بیر هفته اوتماقده و محلی حکومت مسووللری نینگ ایتیش‌لریچه، بو واقعه‌ده هلاک ایتیلگن‌لرنینگ سانی 140 و یره‌لنگن‌لرنینگ سانی 130 کیشی‌گه ییتیشگن، بیراق حاضرده هم جسدلرنی تاپیش اوچون عملیات‌نی دوامی بار.
مذکور طبیعی واقعه‌دن سونگ، کوپ قطار خیریه نهادلرنینگ یاردم‌لری گروهی و انفرادی شکلده پروان ولایتی‌گه بارگن. آذیق-آوقات، نقده پول و باشقه ماده‌لر اوشبو یاردم‌لر جمله‌سیدن دیر.
پروان حاکمی اورین باسری شاه‌ولی شاهد نینگ سلام‌وطندارگه ایتیشیچه، حکومت رسمی و خلق ارا یاردم‌لرنینگ توزیع قیلینیشی خصوصیده جواب قیتریش‌گه تیار دیرلر.
جناب شاهد نینگ ایتیشیچه، میکانیزم یوق‌لیگی سبب، خیریه بنیادلرنینگ یاردم‌لریده بیرقطار کیشی‌لر تامانیدن قول اوریلگن.
عین‌حالده، پروان مدنی فعال‌لریدن بیرقطاری نینگ ایتیش‌لریچه، واقعه نینگ 6- کونیده رسمی بولمه‌گن یاردم‌لرنینگ توزیع قیلیشی‌نی سابق دن کوره یخشی شکلده باشلنگن.
پروان مدنی فعال‌لریدن بیری محمد شفیع مشفق نینگ ایتیشیچه، بیر مینگ عایله‌نی تیکشیرگن‌لر و حاضرده یاردم‌لر توزیع قیلینیشی دوامی بار.
شونینگدیک، پروان ولایتیده سووتاشقین‌لردن زیان کورگن‌لردن بیرقطاری نینگ ایتیش‌لریچه، حکومت نقدی و غیر نقدی یاردم‌لر صورت تاپگنی خصوصیده صحبت قیله‌دی، بیراق کوپ قطار عایله‌لر یاردم قولگه کیریتمه‌گنی چکه‌سیده، یاردم بیرووچی نهادلر تامانیدن تیکشیریلمه‌گن.
پروان محلی حکومتی اوشبو ولایتده سووتاشقین‌لر یوز بیرگنیدن سونگ، یاردم بیریش جریانی‌نی ایکی بولیمگه اجره‌تگن؛ بیرینچی بولیمده حکومت و یاردم بیرووچی نهادلر تامانیدن زیان کورگن‌لرگه یاردم بیریله‌دی و ایکینچی بولیمده حکومتی بولمه‌گن کیشی‌لردن تشکیل تاپگن کمیته رسمی بولمه‌گن یاردم‌لرنی مدیریت قیله‌دی، بیراق محلی حکومت نینگ اوشبو ایشی جدی سوراق‌لر بیلن روپه‌ره بولگن.
