افغانستان جمهورلیک ریاست نامزدلریدن بیری و ایرکین‌لیک، عدالت و خوفسیزلیک سیلاو تیمی نینگ رهبری عبدالطیف پدرام، بوگون کابل‌ده بیر ییغین یولگه قوییب سیلاو کمپاین‌لرینی رسمی شکلده باشله‌دی.
جناب پدرام نینگ ایتیشیچه، جمهورلیک ریاست سیلاویده یوتوققه ایریشگن صورتده، ریاستی توزوم نی خراسان فدرالی اسلامی جمهوریت توزومی گه اوزگرتیره‌دی.
جناب پدرام گه کوره، بو تیم طالبان گروهی بیلن بوله‌دیگن تینچلیک نی فدرالی حکومت توزومی نینگ چارچوبه‌سیده قبول قیله‌دی.
عبدالطیف پدرام طرفدارلری نینگ آره‌سیده ملی بیرلیک حکومت ایشلریدن تنقید قیلیب ایتیشیچه، جمهورلیک ریاست سیلاویده یوتوققه ایریشگن صورتده، اجتماعی-اقتصادی نظریه‌سیدن فایده‌لنه‌دی.
عبدالطیف پدرام رهبرلیگی‌ده بولگن ایرکین‌لیک، عدالت و خوفسیزلیک سیلاو تیمی، سیلاو کمپاین‌لرینی رسمی شکلده باشله‌گن 7- سیلاو تیم دیر.
جمهورلیک ریاست سیلاوی نینگ 7- نامزدی نینگ سیلاو کمپاین‌لرینی باشله‌نیشیدن آلدین، سیلاودن نظارت قیلوووچی اداره‌لر سیلاو کمپاین‌لری کم‌رنگ بولگنی توغریسیده خواطر بیلدیرگن ایدی.
جمهورلیک ریاست سیلاوی جاری ییل، 6- میزان ده یولگه قوییلیشی خصوصیده قرار قیلینگن و جمهورلیک ریاست نامزدلری نینگ سیلاو کمپاین‌لری سیلاو یولگه قوییلیشی دن 48 ساعت آلدین توخته‌تیله‌دی.
