پخوانی ولسمشر او د افغانستان د ملي ژغورنې جبهې مشر حضرت صبغتالله مجددي د ۹۳ کلونو په عمر لهدې نړۍ سترګې پټې کړې.
د ارواښاد مجددي زوی ذبیحالله مجددي د دې خبر په تایید سره ویلي، پلار یې له څه مودې راهیسې ناروغ و او تېره شپه یې ساه ورکړېده.
د ارواښاد مجددي د جنازې مراسم به د چهارشنبې په ورځ حضوري چمن کې وشي او وروسته به د کابل ښار عاشقان او عارفانو سیمه کې خاورو ته وسپارل شي.
صبغتالله مجددي ۲۰۰۳ کال کې د افغانستان د اساسي قانون د تصویب لویې جرګې مشري په غاړه لرله او له ۲۰۰۵ کاله تر ۲۰۱۰ کاله پورې د مشرانو جرګې رییس و.
ارواښاد مجددي د شوروي یرغل پرمهال د افغان مجاهدینو له مشرانو څخه و چې د مجاهدینو له بري او د کمونیست رژیم له سقوط وروسته د ۱۳۷۱ لمریز کال په پسرلي کې د افغانستان موقت ولسمشر په توګه منصوب شو.
