بیرلشگن ملت لرتشکیلاتی گزارشی آرتیدن، پاکستان بومملکتده گی 72 ترورچی گروه گه قرشی تحریم اوتکزیش باره سیده قرارقبول قیلماقچی.
پاکستانده اونلب ترورچی گروه لر فعالیت قیله یاتگنی ایتیله دی.
بوندن آلدین بومملکتده فعال بولگن بوگروه لردن لشکرطیبه، جیش محمد، جماعت الدعوه، حقانی ترماغی، سپاه صحابه وحرکت مجاهدین اینگ اشدی گروه لردن حسابلنه دیلر.
پاکستان ایچکی ایشلر وزیری نثارعلی خان چوهدری ترورچیلیککه قرشی حربی عملیات اوچون یولگه قوییلگن ییغینده بیرلشگن ملت لرتشکیلاتی گه اعضا مملکت لرهم ترورچی گروه لرگه قرشی تحریم اوتکزیشی کیره کلیگی نی تاکیدله دی.
پشاورده گی حربی مکتب گه اویوشتیریلگن هجومده 150نفرهلاک ویره لنگندی، پاکستان اوزعلاقه سینی افغانستان بیلن یخشی قیلیش مقصدیده قرارآلدی.
پاکستان ترورچی گروه لرنی یوقاتیش جدی ایکن لیگی باره سیده تاکیدله یدی.
اما حقانی ترماغی وجماعت الدعوه گه قرشی هیچ قنده ی حرکت قیلمه گن.
افغانستان ملی امنیت اداره سی دایم حقانی ترماغی پاکستان توپراغیده موجود بولیب وپاکستان استخباراتی دن آذوقه لنه یاتگنی نی معلوم قیلیب کیلگن.
سیاسی فعاللردن محمد امین حیدری گه کوره پاکستان هیچ قچان حقانی ترماغیگه قرشی تحریم اوتکزمه یدی، بیراق افغانستانده فعالیت قیله یاتگن بوترماق پاکستان منفعتیده بولگن.
عین حالده جنرال حسین هزاره سلام وطندار رادیوسی بیلن بولگن صحبتیده پاکستان نینگ مقصدی بومملکت نینگ دایم ناتینچ سقلش ایکنی نی معلوم قیلدی.
بوندن آلدین امریکا وپاکستان رسمی لری حقانی ترماغی خصوصیده صحبت اوتکزگندیلر.
میلادی 2012 ییل حقانی ترماغی امریکا نینگ قاره رویخطی گه اوتدی.
بوندن آلدین پاکستان باش وزیری نینگ تشقی علاقه لر بوییچه مصلحتیچسی پاکستان منفعتی گه قرشی تورگن گروه لرگه حربی عملیات اوتکزیشینی ایتگندی. شوسبب کوزه تووچی لر پاکستان اوز منفعتی گه فعالیت قیله دیگن حقانی ترماغی وباشقه ترماق لرگه قرشی حربی عملیات وتحریم اوتکزمسلیگی نی تاکیدله یدیلر.
