ملاعمرنینگ معمالی اولمیدن کیین، اونینگ اورین باسری ملا اختر منصور مذکور گروه ینگی رهبری حیثی‌ده تعین ایتیلدی. بیرینچی‌دن ملاعمر عایله اعضاسی اخترگه قرشی توردی. اوندن کیین، طالب‌لر مرکزی کینگشی عضوی ملا عبدالرسول منصورگه بیعت قیلمه‌دی و انچه اوتمه‌سی اوزینی بو گروه سرپرستی دیب اعلام قیلدی.
نیچه آیدن بویان طالب‌لر ارا قرمه قرشی‌لیکلر تیلده قالگن ایدی، اما سیکین سیکین قورالی گروهی شکلده اوز ارا اوروش قیله باشله‌دیلر. شو سونگی‌ده هرات شیندند تومنیده بولیب اوتگن اوروش نتیجه سیده، ایکی تاماندن 100 دن آرتیق طالب اولیب یره‌لندی. بعضی بیر تعدادلرگه طالب‌لرنینگ بو ایچکی اوروشلری خوش خبرلیک ایدی؛ کوپی‌لر هم بو اوروشلرنی باشقچه اویله‌یدیلر.
ایش بیلرمانلرگه کوره، پاکستان طالب‌لر گروهی نینگ ایرکین بیر گروه شکلی‌ده بولیب آلدینی آلیش قیین بولگن و افغانستان دولتی و منطقه اولکه‌لری بیلن تینچلیک مذاکره‌لریده ایرکین شلکی‌ده کیریب کیله آله‌دیلردیب اوی‌لیدی و بو گروه ارا قرمه قرشی‌لیکلر یوزه‌گه کیلتیریشگه کوره‌شه‌دی.
سیاسی ایش بیلرمان وحیدمژده نینگ ایتشیچه، طالب‌لر گروهی‌نینگ ایکی بولینیشی یوزدن یوز پاکستان نفعی‌گه. جناب مژده‌گه کوره، طالب‌لر ارا تاپیلگن قرمه قرشی‌لیکلری سبب، بوگروه‌دن ینگی کیلیب چیقگن گروه‌لرنی اوزیگه قره‌تیش‌گه کوره‌شه‌دی.
بو سیاسی ایش بیلرمان نینگ ایتیشیچه، ینگی کیلیب چیقگن گروه باشلیغی ملامحمد رسول نینگ ملامنصور بیلن فکری قرشی‌لیگی تازه ایمس، بلکیم 2007- ییلدن بویان بو قرمه قرشی‌لیک موجود.
ایتیلیشیچه، ملارسول اوزی طالب‌لرمرکزی کینگشی عضوی بولیب، حتی بوگروه عمومی اولتیریشلریگه قتنشمس ایکن.
ویسا کونده‌لیگی مسؤول مدیری زبیر شفیقی، جناب مژده سوزلرینی تأیید قیلیب، طالب‌لرنینگ نیچه بولینیشی افغانستان بیلن بوله‌دیگن تینچلیک سوزله‌شیشلرنی قیین‌چلیکلربیلن روپه‌ره قیله‌دی و نیچه کوچ‌سیز گروه‌دن کوره ، بیر کوچلی گروه بیلن سوزله‌شیلسه یخشی بولردی دیب بیله‌دی.
اما طالب‌لر گروهی سابق اعضالریدن سید اکبر آغانینگ ایتشیچه، بو قرمه قرشی‌لیکلر تینچلیک سوزله‌شیشلری اوچون سلبی تأثیر قالدیریشیگه اونچه‌لیک جدی ایمس.
اکبر آغا، طالب‌لر ارا پاکستان تامانیدن قرمه قرشی‌لیک کیلتیریله‌دی دیگن ادعانی رد قیله‌دی.
کوپلب اولکه یشاوچی‌لری آلدیده هردایم افغانستان و پاکستان رابطه‌لر یخشی‌له‌نیب بو ایکی اولکه ارا تینچلیک سوزله‌شیشلری آلدگه سوریلگن بیر زمانده بیرگپ تاپیله‌دی و بوله‌دیگن سوزله‌شیشلر کیین‌گه قاله‌دی.
