تخار ولایتی نینگ خواجهغار تومنی یشاوچیلریدن بیرقطاری نینگ سلاموطندارگه ایتیشیچه، طالبان گروهی بو تومنده حاکمیتلری جریانیده اهالی اویلرینی تالان قیلگن.
اولرنینگ ایتیشیچه، طالبان هجومیدن سونگ، بوتون یشاوچیلریدن کوپ قطاری اوی و جایلرینی ترک قیلگن ایدیلر، بیراق طالبان گروهی اولرنینگ بوتون بارلیکلرینی تالان قیلگن.
خواجهغار یشاوچیلری نینگ کوپهیتیریشیچه، طالبان جنگریلری تینچ اهالی اویلرینی اوتگه تارتگن.
خواجهغار تومنی ولسوالی ملاعمر نینگ ایتیشیچه، امنیتی کوچلر کوپینچه سعی و حرکت قیلگن، بیراق طالبان هجومیگه توسیق بولیشگه موفق بولمهگن.
خواجهغار تومنیده مردمی کوچلر قومندانی عبدالمعروف نینگ سلاموطندارگه ایتیشیچه، محلی مسووللرنینگ دقتسیزلیگی باعث، خواجهغار تومنی سقوط قیلدی.
اونینگ کوپهیتیریشیچه، حربی تجهیزات بولمهگنی سبب، طالبان هجومیگه توسیق بوله آلمهگنلر.
ملی مدافعه وزیرلیگی اورین باسری یاسین ضیا، تخار ولایتیده بولگن عملیاتنی رهبرلیک قیلهدی. اونینگ ایتیشیچه، کوکچه اطرافیدهگی تومنلر طالبان وجودیدن تازهلنگونچه حربی عملیات دوام قیلهدی.
امنیتی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، حکومت مسووللریدن بیرقطاری نینگ دسیسهسی باعث، خواجهغار تومنی نینگ مرکزی سقوط قیلگن. منبع نینگ ایتیشیچه، بو موضوعنی تیکشیریش اوچون حکومت تامانیدن بیرهیات تعیین ایتیلیشی کیرهک.
شوتوغریده…
