ولسمشر اشرف غني وايي، د پاکستان ګټه پهدې کې ده چې د ترهګرۍ پر وړاندې مبارزې او سوداګرۍ برخه کې له افغانستان سره همکاري وکړي، کهنه د تل لپاره به یو بېوزله هېواد وي.
نوموړي چې د نړیوالې اقتصادي غونډې په څنډه کې د سياېناېن خبري شبکې له ویاند فرید ذکریا سره خبرې کولې وویل، افغانستان چمتو دی چې له پاکستان سره په دې برخه کې ګډ کار وکړي، خو په وینا یې افغانستان د یوه ملت او دولت په توګه د ماضي هېرولو ته هم چمتو دی.
ولسمشر غني د نړیوال بانک شمېرو ته په اشارې وویل، که پاکستان پر اوسنۍ تګلاره روان وي، تر ۲۰۴۷ پورې به یو ډېر بېوزله هېواد شي، خو په وینا یې که بدلون راولي او په سیمهییزه همکارۍ کې برخه واخلي، کېدای شي د منځنۍ کچې عاید لرونکی هېواد شي.
