جنرال راحل شریف ایرته (یک‌شنبه) افغانستان کیله‌دی، پاکستان حربی رسمی‌نینگ بو نیچه‌نچی مرته کابل‌گه بولگن سفری ایتیله‌دی.
اوتگن کون (جمعه) هند باش وزیری نرندرا مودی‌نینگ افغانستان کیلیشی بیلن راحل شریف‌نینگ افغانستان کیلیشی رسانه‌لردن ترقه‌تیله باشلندی.
جناب مودی بو سفرده اوچته اوچاق قوشیمچه، افغانستان امنیتی کوچلریدن قربان بولگن‌لر عایله‌سی اوچون 500 یوز تحصیلی بورس اهدا قیلدی.
مودی افغانستان مجلسی‌نینگ ینگی تعمیرینی آچیش مراسمی‌ده ایتیشیچه، بوندن بویان پاکستان افغانستاننی جنوبی آسیایی مملکت‌لر گه قوشیلیشی اوچون کوپریک شکلی‌ده نقش اوینه شی ممکن.
پاکستان حربی کوچلر باشلیغی‌نینگ سوزلاوچیسی عاصم بجوا، اوز تویتر صحیفه‌سیده یازیشیچه، بو بیرکون‌لیک سفرده راحل شریف افغانستان سیاسی و حربی رسمی‌لری بیلن اوچره‌شیشی کوتیله‌دی.
پاکستان اکسپرس تریبون کونده‌لیگی‌گه آتی سیر سقله‌نیشینی سوره‌گن افغانستان حکومتی رسمی‌لریدن بیری‌گه اساسلب یازیشیچه، بو سفرده جناب شریف تینچ‌لیک و برقرارلیک سوزله‌شیشلری دوامی و افغانستان بیلن پاکستان علاقهلری یخشی‌لنیشی اوچون کیله‌دی دیگن.
کابل و اسلام‌آباد علاقه‌سی یمان بولیشی و کابلده نیچه قانلی هجوم اوتکزیلیشی بیلن پاکستان رسمی‌لری، اسلام‌آباد ده اوتکزیلگن آسیا یوره‌گی اولتیریشی جریانیده تورت تامانلمه افغانستان، امیریکه و چین اولکه‌سی بیلن اوچره‌شوو اوتکزیب، تینچ‌لیک سوزله‌شیشلری قیته‌دن باشله‌نیشی و ترورچیلرگه قرشی کوره‌شیش باره‌سیده یاردم‌لیک کورسه‌تیش وعده‌سینی بیرگن ایدی.
شونینگ‌دیک افغانستان، پاکستان، چین و امیریکه‌نینگ مخصوص نماینده‌لری 2016 –ییل جنوری آییده تینچ‌لیک سوزله‌شیشلری باره‌سیده اوچره‌شوو اوتکزیشلری کوتیله‌دی.
