پاکستان‌ده‌گی یشش کارتی بولگن افغان قاچقین‌لر قالیش پیتی کیله‌سی ایکی ییل‌گه قدر تمدید بولیشی کوزه تیله‌دی.
بوگون (شنبه) اولکه قاچقین‌لر و عودت قیله‌دیگن‌لر وزیری سیدحسین عالمی بلخی قاچقین‌لرنینگ میلادی 2017- ییل سونگی‌گه قدر، پاکستان و بیرلشگن ملت‌لر عالی کمیشنری بیلن اوچ تامانلمه کیلیشیوو امضالشدی.
آلدینگی کیلیشیوو اساسیده، قالیش کارتی بولگن قاچقین‌لر میلادی 2015- ییل سونگی‌گه قدر پاکستان‌ده قالیش اجازه‌سینی آلگن ایدیلر.
جناب بلخی‌نینگ کوپه‌یتیریشیچه، شوحاضردن باشله‌نیب پاکستان‌ده‌گی قاچقین‌لر حقوقی باره‌سیده ایشلر باشلنگن و شو میلادی ییل آلدین، باشقه بیر اوچ تامانلمه اولتیریش‌ده، 2017- ییل‌گه قدر قاچقین‌لر قالیشی تمدید ایتیلیش کیلیشی‌گی امضابوله‌دی.
اوشبو کیلیشیووده افغانستان، پاکستان و قاچقین‌لر بوییچه بیرلشگن ملت‌لر عالی کمیشنری تامانیدن ایجاد ایتیلگن اوچ تامانلمه کمیسیون 26 – اولتیریشیده قول قویله‌دی.
اوشبو اولتیریش‌ده پاکستان‌ده حیات کیچیره‌دیگن قانونی کارتی بولمه‌گن و حاضرگه قدر ثبت بولمه‌گن قاچقین‌لر تیزلیک‌ده ثبت بولیش تصمیمی آلیندی.
جناب بلخی‌نینگ ایتیشیچه، افغانستاندن تیزلیک‌ده قاچقین‌لر رویخط‌گه آلینیشی اوچون یوز کیشی‌لیک بیر هیأت پاکستان یوباریلیشی ممکن.
عین حالده پاکستان قاچقین‌لر وچیگره‌لر وزیری عبدالقادر بلوچ هم اوشبو اولتیریش‌ده ایتیشیچه، اولکه‌سی افغان قاچقین‌لری‌نینگ قالیش کارتی یوق‌لیگی‌گه قره‌می، اولرنینگ قالیش پیتی‌نی کیله‌سی ایکی ییل‌گه قدر2017- ییل سونگی‌سیگه قدر؛ تمدید قیلیش‌گه تیار ایکن‌لیگی‌نی بیلدیرگن.
اوشبو اولتیریش‌ده افغان قاچقین‌لری‌نینگ وقتینچه چیقارمس شرط‌نامه‌سیگه هم قول قویلگن.
بو شوپیتده دیرکه شوییل باشله‌نیشی بیلن مینگ‌لرچه افغان قاچقین‌لرینی جبری شکلی‌ده پاکستاندن چیقارگن ایدی.
قاچقین‌لر وزیرلیگی‌نینگ گزارشیگه کوره، شو حاضر افغان قاچقین‌لریدن بیر یریم میلیون کیشی قانونی شکلی‌ده و باشقه بیر میلیون کیشی هم غیر قانونی شلکی‌ده پاکستان‌ده حیات کیچیره‌دیلر.
قاچقین‌لر وزیرلیگی‌گه کوره، شوحاضر افغان قاچقین‌لری جدی قیینچی‌لیکلربیلن روپه‌ره بولیب کیلماقده‌لر.
