هراتده طالبلر صحرایی محکمه آرقهلی بیر ییگیت نینگ ایاغ قولینی کیسگن.
هرات والیسی نینگ سوزلاوچیسی جیلانی فرهادنینگ سلاموطندارگه ایتیشیچه، اوتگن کون طالبلر ولایت اوبه تومنیده صحرایی محکمه اوتکزیشلری بیلن بیر ییگیت نینگ چپ ایاغ و قولینی کیسگن.
جناب فرهادگه کوره، بیرآی آلدین طالبلر تامانیدن انیق حجت قوللریده بولمهگن حالده، اوغیرلیک عیبیده توتیلگن ایدی و بیر آی تورمهدن کیین حاضر اوشبو گروه تامانیدن ایاغ قولی کیسیلهدی.
هرات والیسی نینگ سوزلاوچیسی، بوییگیت صحرایی محکمهسی اوبه تومنیدن 5 کیلومتر اوزاغلیکده تاغلیک بیرمنطقهده اوتکزیلگن دیب کوپهیتیرهدی.
جیلانی فرهادنینگ ایتیشیچه، ایاغ قولی کیسیلگن ییگیت نینگ ساغلیق وضعیتی یخشی و پولیس قضیه عامللرینی قولگه آلیشگه تلاش قیلهدی.
حادثهنی طالبلر هم تأیید قیلهدی. طالبلر سوزلاوچیسی ذبیحالله مجاهدنینگ سلاموطنداربیلن تماس آلیب، هرات ولایتی اوبه تومنی نینگ تگابیاری قیشلاقی یشاوچیسی غلام فاروق ناملی بیر ییگیت، موتر و موترسایکل اوغیرلش عیبی بیلن اوشبو گروه تامانیدن توتیلیب و صحرایی محکمه اوتکزیلیشی بیلن ایاغ قولی کیسیلگن دیگن.
