کنر ولایتی نینگ امنیتی مسووللری، پاکستانلیک حربیلر اوتگن کیچه‌دن بیری دیورند چیزیغی نَری تامانیدن ولایت نینگ سرکانی تومنیگه 49 موشک آتگن دیدیلر. ایتیلیشیچه، موشک آتیش نینگ هنوز هم دوامی بار.
کنر ولایتی‌ده‌گی ملی اردو ایکّینچی لواسی نینگ قوماندانی میرویس ساپی سلام وطندارگه بیرگن صحبت‌ده، مذکور موشکلر تومن نینگ «پرنولی» منطقه‌لریگه کیلیب توشگن دیدی. اونینگ سوزلریگه کوره، موشکلرنینگ کیلیب توشیشی نتیجه‌سیده انسانی تلفات یوز بیرمه‌گن بولسه هم؛ لیکن اهالی یشش اوییدن آواره بولگن.
اما، کنر ولایتی والیسی نینگ سوزلاووچیسی غنی مصمم، پاکستانلیک حربیلر آرقه‌لی چیگره‌نینگ نریاغیدن هنوزگچه 49 موشک آتیلگن لیگینی اعتراف ایتیب، تلفات حقیده بیرار نرسه دیمه‌گن.
جناب مصمم، سونگی ایکّی آی ایچیده پاکستانلیک حربیلرنینگ کنرگه قره‌ته آتگن موشکلری عاقبتیده 300 خانه‌دان اوی جایلرینی ترک ایتگن دیدی.
سرکانی تومنی نینگ بعضی بیر یشاووچیلری، بو موشکلر تومن نینگ «پرنولی و گلاب پری» منطقه‌سیگه کیلیب توشگن دیدیلر. تینچ اهالی تلفاتی خصوصیده هنوز گزارش قولده ایمس دیگن منطقه خلقی.
لیکن، سرکانی قوم بویوکلری، سرکانی تومنی نینگ ایریم منطقه‌لری کونده پاکستانلیک حربیلر تامانیدن موشک هجومی آستیگه آلینیشی باره‌سیده خواطر بیلدیرگنلر.
کنر خلقی نینگ قوم بویوکلریدن محمد ساپی، پاکستانلیک حربی قوشینلر تامانیدن آتیلگن موشکلر کیلیب تویشی سبب هلیگیچه 500 خانه‌دان یشش اویلرینی ترک قیلگنلر دیگن.
ساپی، مساله حل ایتیلیشی اوچون مرکزی حکومت جدی تدبیر آلمه‌گن حالده، موضوع ملت و دولت اورته‌سیگه فاصله آلیب کیله‌دی دییه آگاهلنتیرگن.
پاکستانلیک حربیلر انده – سنده ننگرهار ولایتی همده کنر ولایتی نینگ سرکانی، خاص‌کنر و دانگام تومنلرینی موشکی هجوم آستیگه آله‌دی. لیکن، افغانستان حکومتی هلیگچه بو مساله توغریسیده اساسی چاره تدبیر کورمه‌گن.
