خوست ولایتینینگ امنیتی رسمیلری، بوگون ایرتلب اوشبو ولایتده صادر ایتیلگن پارتلش نتیجهسیده 16 کیشی حیاتدن کوز یومیب، باشقه کمیده 56 انسان تن جراحتی آلگن لیگینی ایتگنلر.
پارتلش خوست ولایتینینگ نمایندهسی همایون همایون و اهالی قوشیمچه دولت ادارهلری نینگ ملازملری، ولایت سرپرستی عبدالجبار نعیمی ایشدن آلینیشیگه قرشی نمایش اوتکزگن بیر پیتده صادر ایتیلگن.
پارتلش ولایت سرپرستی تورر بناسی یقینیده یوز بیرگن.
مذکور ولایتنینگ نمایندهلر مجلسیدهگی اعضاسی همایون همایون و کمال ناصر اصولی لر، ولایت کینگشی اعضالری، دولت ادارهلر ایشلاووچیلری، مدنی ادارهلر و خوست قوم یاش اولوغلری ایکی هفتهدن بویان چادر تیکلب، ولایت سرپرستی ایشیدن بوشه تیلیشی اوچون تحصن اعلان قیلگنلر. ولایت سرپرستی نعیمینی اداری فسادگه قولی بارلیگینی تیلگه آلگن اعتراضچیلر جمهور رییس غنیدن ولایت سرپرستی ایشدن چیتلهتیلیشینی سورهگنلر.
اولرنینگ ایتیشیچه، نعیمی اوز لوازمیدن چیتلهتیلمهگونگه قدر، مدنی اعتراضلریگه دوام بیریشدن آگاهلنتیرگنلر.
پارتلشده خوست ولایتینینگ پارلماندهگی نمایندهسی همایون همایون، تن جراحتی آلگنی ایتیلهدی.
