.jpg)
د بدخشان د نشهیي توکیو پرضد د مبارزې رییس محمدقاید افندي سلام وطندار ته وویل، د کوکنارو له منځهوړونکې ډله له دوو ورځو راهیسې د هغه ولایت ارګو ولسوالۍ په «کوچخَم» او «چهاردرې» سیمې کې د ځايي محلي پولیسو او ولسي پاڅونوالو له مقاومت سره مخ شوېده.
د ښاغلي افندي په وینا د دولت وسله د امنیت له پاره نه بلکې د امنیت او دولتي کړنلارو پر ضد کارول کېږي.
د ده په وینا، کله چې و پوهېدل د مقابلې توان نهلري؛ هماغه ورځ یې کار بند کړ.
خو د بدخشان د نشهیي توکیو بر ضد مبارزې پولیسو مرستیال قوماندان نثاراحمد جهانګیر وایي هغه وسلهوال چې د نشهیي توکیو پر ضد مبارزې ډله یې په نښه کړېوه؛ تر اوسه نهدي پېژندل شوي.
د ښاغلي جهانګیر په خبره، امنیتي او کشفي څانګې پهدې اړه تحقیق کوي.
هاخوا د بدخشان امنیه قوماندان محمدصابر ارین د نشهیي توکیو پرضد مبارزې ډلې پر کارکوونکیو برید کې د محلي پولیسو لاس لرل ردوي او وایي چې دغه بریدونه، د کوکنارو کښت په له منځهوړلو کې د نشهیي توکیو پرضد مبارزې پولیسو پر اراده هېڅ اغېز نهکوي.
د بدخشان د نشهیي توکیو پرضد مبارزې څانګې مسوولان وایي، د دولت تر ولکې لاندې سیمو کې تر برید لاندې راغلي او طالبان په یادو دوو سیمو کې هېڅ فعالیت نهلري.
د دې ادارې مسوولانو په وینا، د کوکنارو کښت له منځهوړلو کمپاین له پیل راهیسې پهدې ولایت کې ۲۰۰ هکتار ځمکه له کوکنارو پاکه شوېده.
